ب سەرپەرشتیا ڕێڤه‌به‌را سەنتەرێ ڕاهێنانا پێداگۆجی و په‌ره‌پێدانا ئه‌كادیمى خانم (م. شلێر مصطفی محمد) ب هه‌ماهه‌نگى لگه‌ل کۆلیژا پەروەردە و کۆلیژا زانست چه‌ند خۆلێن گرنگ بۆ مامۆستایێن ڕاهێنەر یێن ڕێڤەبەریا په‌روه‌ردا گشتییا زاخۆ هاتنە ڤه‌كرن.
ل دەستپێکێ چەند ڕونکرنەک ڕێڤه‌به‌را سەنتەرێ ڕاهێنانا پێداگۆجی هاتنه دان وجه‌خت ل سه‌ر گرنگیا هه‌ماهه‌نگیێ دناڤبه‌را سەنتەرێ پێداگۆجی و و کۆلیژێن سه‌ر ب زانکۆیێ ڤه وکەرتێ پەروەردێ کر.
د بەردەوامیا خۆلێ دا، ڕێڤه‌به‌رێ ڕاهێنان و په‌ره‌پێدانێ ل وه‌زاره تا په‌روه‌ردەیا حكومه‌تا هه‌رێما كوردستانێ بەڕێز (م. یحیى رچا رسول) و شاندێ لگەلدا سه‌ره‌دانا زانكۆیا زاخۆ و سەنتەرێ ڕاهێنانا پێداگۆجی كر و ژلایێ ڕێزدار (پ.د. دیار عبدالکریم سعید) سەرۆکێ زانکۆیێ وجڤاتێ هاتنه پێشوازکرن.
بەڕێز ڕێڤه‌به‌رێ ڕاهێنان و په‌ره‌پێدانێ ل نڤیسینگه‌ها وه‌زیرێ په‌روه‌ردێ خۆشحالیا خۆ سەبارەت زانكویا زاخو وتایبه‌تى سەنتەرێ پێداگۆجی و کار و چالاکیێن سەنتەری وهه‌ماهه‌نگیا وان یا به‌رده‌وام لگه‌ل په‌روه‌ردا زاخو و ب تایبه‌تى یه‌كا ڕاهێنان و په‌ره‌پێدانا په‌روه‌رده‌یى ل پەروەردێ دەربڕی، هه‌روه‌سا سوپاسیا وه‌زیرێ په‌روه‌ردێ ئاراستەیی زانكۆیا زاخۆ و ڕێڤەبەرا سەنتەرێ ڕاهێنانا پێداگۆجی كر سه‌باره‌ت ڤه‌كرنا خۆلا ب بەردەوامی و هه‌روه‌سا ده‌رفه‌ت دان و پشکداریکرنا (٥) مامۆستایێن ڕاهێنه‌ر د هه‌ر خۆله‌كا نوى یا پێداگۆجى دا.
دهێتە زانین؛ ڤەکرنا ڤان خۆلان ئێک ژ کارێن گرنگ یێن زانکۆیا زاخۆ یە، بۆ هندێ پەیوەندیا دناڤبەرا کەرتێ پەروەردێ و خواندنا بلند خورتر ببیت و بشێن خزمەتەکا باش پێشکێشی کەرتێ پەروەردەیێ ب گشتی و جڤاکی بکەن، هەروەسا شیانێن ڕاهێنەران زێدەتر بکەن و پێزانینێن هەین دناڤبەرا ئێکۆدو دا لێکبگوهۆرن.